വണ്ണം കുറയണോ?; ഒരു മാസം കറിവേപ്പില ഇങ്ങനെ കഴിച്ചാൽ മതി!

നമ്മുടെ ഭക്ഷണ വിഭവങ്ങളിൽ ഒഴിച്ചുകൂടാനാവാത്ത ഒരു ഘടകമാണ് കറിവേപ്പില. ഇവ കഴിക്കുന്നത് വയറിലെ അധിക കൊഴുപ്പ് എരിച്ചു കളയുവാനും ശരീരഭാരം കുറയ്ക്കാനും സഹായിക്കുമെന്ന കാര്യം നിങ്ങൾക്കറിയാമോ?
ഒരുപക്ഷേ, നിങ്ങളുടെ ദൈനംദിന ഭക്ഷണക്രമത്തിന്റെ ഭാഗമായി കറിവേപ്പില ചേർക്കുന്നത് ആരോഗ്യപരമായ പല ഗുണങ്ങളും നിങ്ങൾക്ക് നൽകുന്നതാണ്. നിങ്ങളുടെ ശരീരത്തിലെ അമിത കൊഴുപ്പ് ഒഴിവാക്കാനുള്ള ഏറ്റവും നല്ല വീട്ടുവൈദ്യമാണ് വെറും വയറ്റിൽ കറിവേപ്പില കഴിക്കുന്നത്. നിങ്ങളുടെ ആരോഗ്യത്തിന് ആവശ്യമായ വളരെ നല്ല പോഷകങ്ങൾ ഇവയിൽ അടങ്ങിയിട്ടുണ്ട്. ആയുർവേദം അനുസരിച്ച്, എല്ലാ ദിവസവും രാവിലെ കറിവേപ്പില കഴിക്കുന്നത് മോശം കൊളസ്ട്രോൾ, പ്രമേഹം, അമിതവണ്ണം തുടങ്ങിയ പല രോഗങ്ങളെയും നേരിടാനുള്ള മികച്ച മാർഗമാണ്. രുചിയും സ്വാദും വർദ്ധിപ്പിക്കുന്നതിനായി മിക്കവാറും എല്ലാ വിഭവങ്ങളിലും താളിക്കുന്ന ഘടകമായി ഉപയോഗിക്കുന്ന കറിവേപ്പിന്റെ ഇലകൾക്ക് നിങ്ങളുടെ ശരീരഭാരം കുറയ്ക്കാനുള്ള യാത്രയെ വിവിധ രൂപങ്ങളിൽ വേഗത്തിലാക്കാൻ കഴിയും, ഇത് മെലിഞ്ഞ ശരീരഘടനയും നിങ്ങൾ ആഗ്രഹിക്കുന്ന ഭംഗിയേറിയ അരക്കെട്ടും നേടാൻ നിങ്ങളെ സഹായിക്കുന്നു.

കറിവേപ്പിലയുടെ പോഷക ഗുണങ്ങൾ

പ്രോട്ടീൻ പോലുള്ള അവശ്യ പോഷകങ്ങളാൽ സമ്പന്നമാണ് കറിവേപ്പില. കൂടാതെ, കാർബോഹൈഡ്രേറ്റ്, ഫൈബർ, കരോട്ടിൻ, നിക്കോട്ടിനിക് ആസിഡ്, വിറ്റാമിൻ എ, ബി, സി, ബി 2, കാൽസ്യം, ഇരുമ്പ്, ഫോളിക് ആസിഡ് – ഇവയെല്ലാം സമ്പുഷ്ടമായ അളവിൽ അടങ്ങിയിരിക്കുന്ന കറിവേപ്പില നമ്മുടെ ആരോഗ്യം വർദ്ധിപ്പിക്കുവാനും ശരീരഭാരം കുറയ്ക്കുന്നതിനും കാരണമാകുന്നു.

കറിവേപ്പില ശരീരഭാരം കുറയ്ക്കാൻ സഹായിക്കുന്നതെങ്ങിനെയെന്ന് നോക്കാം.

ആൻറി ഓക്സിഡൻറുകൾ, ആൻറി ഡയബറ്റിക്, ആന്റിമൈക്രോബിയൽ, ആൻറി-ഇൻഫ്ലമേറ്ററി, ആൻറി കാർസിനോജെനിക്, ഹെപ്പറ്റോപ്രൊറ്റെക്റ്റീവ് തുടങ്ങിയ സവിശേഷതകൾ കറിവേപ്പിന്റെ ഇലകളിൽ അടങ്ങിയിട്ടുണ്ട്, ഈ സവിശേഷതകൾ കരളിന്റെ കേടുപാടുകൾ പരിഹരിക്കുവാനുള്ള ഗുണങ്ങൾ അടങ്ങിയവയാണ്. കറിവേപ്പില കഴിക്കുന്നത് കുടൽ ഭിത്തിയിലെ അസ്വസ്ഥത ഇല്ലാതാക്കുന്നതിലൂടെ ദഹനത്തെ മെച്ചപ്പെടുത്തുന്നതോടൊപ്പം വിവിധ ദഹനക്കേടുകൾ തടയുകയും ചെയ്യുന്നു. വയറിളക്കവും ഓക്കാനവും ഫലപ്രദമായി ചികിത്സിക്കാൻ ഈ ഇലകൾ പരമ്പരാഗതമായി ഉപയോഗിച്ച് വരുന്നു. കറിവേപ്പില ചവയ്ക്കുകയോ കഴിക്കുകയോ ചെയ്യുന്നത് ശരീരത്തിൽ നിന്ന് ദോഷകരമായ വിഷവസ്തുക്കളെ നീക്കം ചെയ്ത് ശരീരം ശുദ്ധീകരിക്കുകയും ചെയ്യുന്നു. അതിനാൽ, ഈ ഔഷധ ഗുണമുള്ള ഇലകൾ നിങ്ങളുടെ ശരീരം സ്വാഭാവികമായി ദുഷിപ്പുകളിൽ നിന്ന് മുക്തമാക്കി, കൂടുതൽ കലോറി എരിച്ചു കളയുവാനും കൊഴുപ്പ് അടിഞ്ഞുകൂടാതിരിക്കാനും സഹായിക്കുന്നു, അതിലൂടെ ഇവ ശരീരഭാരം വർദ്ധിക്കുന്നതും തടയുന്നു.

കൊളസ്‌ട്രോൾ ഇല്ലാതാക്കാൻ കറിവേപ്പിലക്ക് വലിയ കഴിവുണ്ട്.

കറിവേപ്പിലയ്ക്ക് ചീത്ത കൊളസ്ട്രോളും ശരീരത്തിലെ കൊഴുപ്പും ഫലപ്രദമായി എരിച്ചു കളയുവാൻ കഴിയും എന്നതാണ് ഒരു അവിശ്വസനീയമായ കാര്യം. അമിതവണ്ണവും കൊഴുപ്പും കുറയ്ക്കുന്ന ഫലങ്ങളുമുള്ള ആൽക്കലോയ്ഡ് മഹാനിമ്പൈൻ അവയിൽ അടങ്ങിയിരിക്കുന്നു. അതിനാൽ, കറിവേപ്പില കഴിക്കുന്നത് മൊത്തത്തിലുള്ള കൊളസ്ട്രോൾ, ട്രൈഗ്ലിസറൈഡ് അളവ് കുറയ്ക്കുന്നതിനും അതുവഴി ശരീരഭാരം കുറയ്ക്കുന്നതിനും സഹായിക്കുന്നു. കൊഴുപ്പ് കുറയുക മാത്രമല്ല, കറിവേപ്പില കഴിക്കുന്നത് നിങ്ങളുടെ ശരീരത്തിന് ദോഷകരമായ വസ്തുക്കളെ നീക്കി ശുദ്ധീകരിക്കുന്നതിലൂടെ ആരോഗ്യപരമായ പല അപകടങ്ങളിൽ നിന്നും വിട്ടുനിൽക്കാൻ സഹായിക്കുകയും ചെയ്യും. കൂടാതെ, കറിവേപ്പിലയിൽ ആന്റി-ഡയബറ്റിക് ഗുണങ്ങൾ അടങ്ങിയിരിക്കുന്നതിനാൽ ഇത് രക്തത്തിലെ പഞ്ചസാരയുടെ അളവ് കുറയ്ക്കും. രക്തത്തിലെ പഞ്ചസാരയുടെ ഉയർന്ന അളവ് ശരീരഭാരം വർദ്ധിപ്പിക്കും. കറിവേപ്പില മുടി കൊഴിച്ചിൽ കുറയ്ക്കാനും മുടിയുടെ വേരുകൾ ശക്തിപ്പെടുത്താനും കൂടി ഉപയോഗിക്കുന്നുണ്ട്.

കറിവേപ്പില പലവിധത്തിൽ ഉപയോഗിക്കാം, ഒന്നുകിൽ വിഭവങ്ങൾ തയ്യാറാക്കുന്നതിലോ അല്ലെങ്കിൽ അസംസ്കൃത രൂപത്തിലോ അവ ദിവസവും കഴിക്കുകയോ വെറുതെ ചവയ്ക്കുകയോ ചെയ്യാം. ശരീരഭാരം കുറയ്ക്കാൻ ഈ ഇലകൾ ഉപയോഗിക്കുന്നതിനുള്ള ഏറ്റവും നല്ല മാർഗ്ഗം എല്ലാ ദിവസവും രാവിലെ ഒഴിഞ്ഞ വയറ്റിൽ കറിവേപ്പ് ഇലകൾ ഇട്ട് തിളപ്പിച്ച വെള്ളം കുടിക്കുക എന്നതാണ്.

കറിവേപ്പില വെള്ളം തയ്യാറാക്കേണ്ട വിധം.

30 മുതൽ 40 വരെ കറിവേപ്പിലകൾ എടുത്ത് ആവശ്യത്തിന് വെള്ളത്തിൽ ഇട്ട് തിളപ്പിക്കുക. ശേഷം, ഈ ഇലകൾ നീക്കം ചെയ്ത് വെള്ളം അരിച്ചെടുക്കുക. രുചി മെച്ചപ്പെടുത്തുന്നതിന് നിങ്ങൾക്ക് ഇതിലേക്ക് തേനും നാരങ്ങാനീരും ചേർത്ത് യോജിപ്പിക്കാം. നിങ്ങളുടെ കൊഴുപ്പ് എരിച്ചു കളയുന്ന കറിവേപ്പില ചായ ഇപ്പോൾ കുടിക്കാൻ തയ്യാറാണ്. കറിവേപ്പില വെള്ളം എല്ലാ ദിവസവും ഒഴിഞ്ഞ വയറ്റിൽ കുറഞ്ഞത് ഒരു മാസമെങ്കിലും കുടിക്കുക. അല്ലെങ്കിൽ, രാവിലെ 10-15 കറിവേപ്പിലകൾ പച്ചയ്ക്ക് വെറും വയറ്റിൽ കഴിക്കുക, അതിനുശേഷം ചെറു ചൂടുവെള്ളം കുടിക്കുക.

കറിവേപ്പില ജ്യൂസ്

അഞ്ച് മുതൽ പത്ത് വരെ കറിവേപ്പിന്റെ ഇലകളും ഒരു ഗ്ലാസ് വെള്ളവും എടുക്കുക. ഇത് ഒരു മിക്സിയിൽ ഇട്ട് ഒരുമിച്ച് അടിച്ചെടുക്കുക, അപ്പോൾ നിങ്ങൾക്ക് ഒരു പച്ച നിറത്തിലുള്ള ജ്യൂസ് ലഭിക്കും. കറിവേപ്പിലയ്ക്ക് പകരം, മല്ലിയിലയോ പുതിനയിലയോ ഉപയോഗിച്ച് നിങ്ങൾക്ക് ഇത് ചെയ്യാൻ കഴിയും. രാവിലെ തന്നെ ഈ ജ്യൂസ് കുടിക്കുന്നതിലൂടെ, നിങ്ങളുടെ ശരീരത്തിന്റെ പ്രവർത്തനത്തിന് നിർണായകമായ ക്ലോറോഫില്ലും മറ്റ് പ്രധാന വിറ്റാമിനുകളും നിങ്ങളുടെ ശരീരത്തിന് ലഭിക്കും. ദീർഘകാലാടിസ്ഥാനത്തിൽ ദിവസവും രാവിലെ ഇത് കുടിക്കുമ്പോൾ വയറിലെ കൊഴുപ്പ് കുറയ്ക്കാൻ നിങ്ങളെ സഹായിക്കും.

കറിവേപ്പില ഡീറ്റോക്‌സ് ജ്യൂസിന്റെ കൂടുതൽ ആരോഗ്യ ഗുണങ്ങൾ

കറിവേപ്പില ദഹനം മെച്ചപ്പെടുത്തുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു. ഇത് ഹൃദയത്തിന് നല്ലതാണ് കൂടാതെ രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുന്നു. നിങ്ങളുടെ ജ്യൂസ് കൂടുതൽ ആരോഗ്യകരമാക്കാൻ, നിങ്ങളുടെ കറിവേപ്പില ജ്യൂസിൽ കുറച്ച് ചീര, സെലറി, മല്ലി അല്ലെങ്കിൽ പുതിന എന്നിവ ചേർക്കാം. നിങ്ങൾക്ക് ഇവ എല്ലാം ഒരുമിച്ച് ചേർത്ത് ജ്യൂസ് പുതുമയുള്ളതാക്കാം.