തിരുവനന്തപുരം: നാ​ഗർകോവിൽ കന്യാകുമാരി സെക്ഷനുകളിൽ അറ്റകുറ്റപ്പണി നടക്കുന്നതിനെ തുടർന്ന് 11 ട്രെയിനുകൾ റദ്ദാക്കി. കൂടാതെ 11 എണ്ണം ഭാ​ഗികമായി റദ്ദാക്കുകയും ചെയ്തു. ഇന്ന് മുതൽ ഏപ്രിൽ 1 വരെയാണ് നിയന്ത്രണം ഏർപ്പെടുത്തിയിരിക്കുന്നത്.

നാ​ഗർകോവിൽ- കന്യാകുമാരി അൺ റിസർവ്വ്ഡ് എക്സ്പ്രസ്, കന്യാകുമാരി- കൊല്ലം മെമു എക്സ്പ്രസ്, കൊല്ലം- ആലപ്പുഴ അൺറിസർവ്വ്ഡ എക്സ്പ്രസ് ഉൾപ്പടെയുള്ള ട്രെയിനുകളാണ് റദ്ദാക്കിയത്. പൂനെ- കന്യാകുമാരി ജയന്തി എക്സ്പ്രസ്സ്, ബാം​ഗ്ലൂർ- കന്യാകുമാരി ഐലൻഡ് എക്സ്പ്രസ് എന്നീ ട്രെയിനുകൾ ഇന്ന് കൊച്ചുവേളിയിൽ യാത്ര അവസാനിപ്പിക്കുമെന്നും ദക്ഷിണ റെയിൽവ്വേ അറിയിച്ചു.