പ്രവാസി എഞ്ചിനീയര്‍മാര്‍ക്ക് പരീക്ഷ നടത്താന്‍ ഒരുങ്ങി സൗദി
Saudi Arabia prepares for exams for expatriate engineers
സൗദിയില്‍ ജോലിയില്‍ പ്രവേശിക്കുന്നതിന് മുമ്പ് എഞ്ചിനീയര്‍മാര്‍ക്ക് പ്രൊഫഷനല്‍ ടെസ്റ്റ് നടത്താന്‍ തീരുമാനം. സൗദി മുനിസിപ്പല്‍ ആന്റ് റൂറല്‍ അഫയേഴ്‌സ് മന്ത്രി മാജിദ് അല്‍ ഹഖാനിയാണ് ഇതുമായി ബന്ധപ്പെട്ട് സൗദി കൗണ്‍സില്‍ ഓഫ് എഞ്ചിനിയേഴ്‌സിന് നിര്‍ദ്ദേശം നല്‍കിയത്.
വ്യാജ ഡിഗ്രി സര്‍ട്ടിഫിക്കറ്റുകളും എക്‌സീരിയന്‍സ് സര്‍ട്ടഫിക്കറ്റുകളും ഉപയോഗിച്ച് ആയിരക്കണക്കിന് എഞ്ചിനീയര്‍മാര്‍ ഉള്‍പ്പെടെ സൗദിയില്‍ ജോലി ചെയ്യുന്നുവെന്ന കണ്ടെത്തലിനെ തുടര്‍ന്നാണ് നടപടി. പരീക്ഷ നടത്തുന്നതു വഴി, സര്‍ട്ടിഫിക്കറ്റുകള്‍ മാത്രം നോക്കി ഉദ്യോഗാര്‍ഥികളെ വിലയിരുത്തുന്നതിന് പകരം, അവര്‍ക്ക് തങ്ങളുടെ മേഖലയില്‍ എത്രമാത്രം നൈപുണ്യവും പരിചയവുമുണ്ട് എന്ന കാര്യം നേരിട്ട് മനസ്സിലാക്കാനാവുമെന്നാണ് മന്ത്രാലയത്തിന്റെ വിലയിരുത്തല്‍. എഞ്ചിനീയറിംഗ് രംഗത്ത് മികച്ച കഴിവുകളുള്ളവരെ കണ്ടെത്തുകയാണ് ടെസ്റ്റിലൂടെ ലക്ഷ്യമിടുന്നതെന്ന് മന്ത്രി പറഞ്ഞു. ഇതുവഴി രാജ്യത്തിലെ മനുഷ്യ വിഭവശേഷിയെ നല്ല രീതിയില്‍ ഉപയോഗിക്കാനും സേവനങ്ങള്‍ മികച്ചതാക്കാനും സാധിക്കുമെന്നും അദ്ദേഹം അഭിപ്രായപ്പെട്ടു.
