കൊവിഡ് വാക്സിൻ നിർമ്മാണത്തിന് ഭാരത് ബയോടെക്കിന് അനുമതി

അതേസമയം, രാജ്യത്ത് രണ്ട് കൊവിഡ് 19 പ്രതിരോധ വാക്സിനുകള്‍ക്ക് അനുമതി നല്‍കുന്നതായി ഡിസിജിഐ ഞായറാഴ്ച വ്യക്തമാക്കിയിരുന്നു. ഓക്സ്ഫഡ് സര്‍വകലാശാല വികസിപ്പിച്ച് സിറം ഇൻസ്റ്റിറ്റ്യൂട്ട് ഓഫ് ഇന്ത്യ നിര്‍മിക്കുന്ന കൊവിഷീൽഡ്, ഭാരത് ബയോടെക് നിര്‍മിക്കന്ന കൊവാക്സിൻ എന്നീ വാക്സിനുകള്‍ക്കാണ് നിയന്ത്രണങ്ങളോടെ അനുമതി നൽകിയത്.

സിറം ഇൻസ്റ്റിറ്റ്യൂട്ടിൻ്റെ കൊവിഷീൽഡ് വാക്സിൻ രാജ്യത്ത് 60,000 ആളുകളിൽ ക്ലിനിക്കൽ പരീക്ഷണം നടത്തിയതായും വാക്സിന് 70.42 ശതമാനം ഫലപ്രാപ്തിയുണ്ടെന്നു തെളിഞ്ഞതായും ഡിസിജിഐ വാര്‍ത്താ സമ്മേളനത്തിൽ അറിയിച്ചു. ഇതിനു പുറമെ ഇന്ത്യ തദ്ദേശീയമായി വികസിപ്പിച്ച കൊവാക്സിനും അനുമതിയുണ്ട്. സൈഡസ് കാഡില വികസിപ്പിച്ച ഡിഎൻഎ അധിഷ്ടിത വാക്സിന് മൂന്നാം ഘട്ട ക്ലിനിക്കൽ പരീക്ഷണം നടത്താനുള്ള അനുമതിയും ഡിസിജിഐ നല്‍കി.

കേന്ദ്രസര്‍ക്കാര്‍ അനുമതി നല്‍കിയ രണ്ട് വാക്സിനുകളും രണ്ട് ഡോസ് വീതമാണ് കുത്തിവെയ്ക്കേണ്ടത്. രണ്ട് മുതൽ എട്ട് ഡിഗ്രി സെൽഷ്യസ് വരെ താപനിലയിലാണ് വാക്സിനുകള്‍ സൂക്ഷിക്കേണ്ടത്.