ഇന്ത്യ ചൈന ചര്‍ച്ച പരാജയപ്പെട്ടാല്‍ സൈനിക നടപടി; മുന്നറിയിപ്പുമായി ബിപിന്‍ റാവത്ത്
Military action if India-China talks fail; Bipin Rawat with warning
ന്യൂഡല്‍ഹി: ചൈനയ്ക്ക് ശക്തമായ മുന്നറിയിപ്പുമായി സംയുക്ത സൈനിക മേധാവി ജനറല്‍ ബിപിന്‍ റാവത്ത്. സൈനിക- നയതന്ത്ര തലത്തില്‍ ഇരു രാജ്യങ്ങളും തമ്മില്‍ ചര്‍ച്ചയ്ക്ക് ഫലമുണ്ടായില്ലെങ്കില്‍ ചൈനയുടെ ഭാഗത്ത് നിന്ന് പ്രകോപനം ഉണ്ടായാല്‍ നേരിടാന്‍ ഇന്ത്യയ്ക്ക് സൈനിക മാര്‍ഗ്ഗങ്ങള്‍ ഉണ്ടെന്ന് പറഞ്ഞു.
‘ലഢാഖില്‍ ചൈനീസ് സൈന്യം നടത്തിയ അതിക്രമങ്ങള്‍ കൈകാര്യം ചെയ്യാനുള്ള സൈനിക മാര്‍ഗ്ഗങ്ങള്‍ നിലവിലുണ്ട്. എന്നാല്‍, സൈന്യത്തിലും നയതന്ത്ര തലത്തിലും ചര്‍ച്ചകള്‍ പരാജയപ്പെട്ടാല്‍ മാത്രമേ അത് നടപ്പാക്കുകയുള്ളൂ’, റാവത്ത് പറഞ്ഞു.
ഫിംഗര്‍ ഏരിയ, ഗല്‍വാന്‍ താഴ്‌വര, ഹോട്ട് സ്പ്രിംഗ്‌സ്, കോങ്‌റംഗ് നള തുടങ്ങി നിരവധി മേഖലകളില്‍ ചൈനീസ് സൈന്യം നടത്തിയ അതിക്രമങ്ങളെ തുടര്‍ന്ന് ഇന്ത്യയും ചൈനയും ഏപ്രില്‍- മെയ് മുതല്‍ ഏറ്റുമുട്ടലിലാണ്. കഴിഞ്ഞ മൂന്ന് മാസത്തോളമായി അഞ്ച് ലഫ്റ്റനന്റ് ജനറല്‍ ഉള്‍പ്പെടെയുള്ളവര്‍ സംസാരിച്ചിട്ടും ഇതുവരെ ഫലങ്ങള്‍ ഉണ്ടായിട്ടില്ല.
ലഢാഖ് മേഖലയില്‍ ചൈനീസ് സൈന്യത്തിന്റെ അതിക്രമങ്ങളെ പിന്നോട്ടടിക്കാന്‍ ഇന്ത്യയ്ക്ക് ഉപയോഗിക്കാവുന്ന സൈനിക മാര്‍ഗ്ഗങ്ങള്‍ വിശദമായി ചര്‍ച്ച ചെയ്യാന്‍ സിഡിഎസ് വിസമ്മതിച്ചു. ഫിംഗര്‍ ഏരിയയില്‍ നിന്നും പൂര്‍ണ്ണമായി പിന്മാറാനോ മോചിതരാകാനോ തയ്യാറായിട്ടില്ല. അതേസമയം, തര്‍ക്കം പരിഹരിക്കാനുള്ള ശ്രമങ്ങള്‍ നടക്കുമ്പോള്‍ കിഴക്കന്‍ ലഢാഖിലെ ഫിംഗര്‍ ഏരിയയില്‍ നിന്ന് തുല്യമായി പിരിച്ചുവിടാനുള്ള ചൈനീസ് നിര്‍ദ്ദേശം ഇന്ത്യ നിരസിച്ചു.
