അറ്റകുറ്റപ്പണി; മാഹി പാലം തിങ്കളാഴ്ച മുതല്‍ അടയ്ക്കും

കോഴിക്കോട്: അറ്റകുറ്റപ്പണി നടക്കുന്നതിന്റെ ഭാ​ഗമായി കോഴിക്കോട്ച കണ്ണൂർ ദേശീയപാതയിലെ മാഹിപാലം തിങ്ക‌ളാഴ്ച്ച അടയ്ക്കും. ഏപ്രിൽ 29 മുതൽ മെയ് 10 വരെ 12 ദിവസത്തേക്കാണ് ഈ ഭാ​ഗത്തെ ​ഗതാ​ഗതത്തിന് നിയന്ത്രണം ഏർപ്പെടുത്തിയിരിക്കുന്നത്. ബസ് ഉൾപ്പടെയുള്ള കോഴിക്കോടു നിന്നും കണ്ണൂർ ഭാ​ഗത്തേക്ക് വരുന്ന വാഹനങ്ങൾ കുഞ്ഞിപ്പള്ളിയിൽ നിന്നും വലത്തോട്ട് തിരിഞ്ഞ് മോന്താൽപാലം വഴി പോകണമെന്നാണ് നിർദ്ദേശം. അതേസമയം തലശ്ശേരിയിൽ നിന്നും കോഴിക്കോട് ഭാ​ഗത്തേക്ക് വരുന്ന വാഹനങ്ങൾ ചൊക്ലി മേക്കുന്ന്- മോന്താൽപാലം വഴിയോ മാഹിപ്പാലത്തിന്റെ അടുത്തു നിന്ന് ഇടത്തോട്ട് തിരിഞ്ഞ് പെരിങ്ങാടി വഴി മോന്താൽപ്പാലം വഴിയോ പോകണം.

വയനാട് തോൽപ്പെട്ടി എ​ക്സൈ​സ് ചെ​ക്ക് പോ​സ്റ്റി​ൽ എംഡിഎംഎ പിടികൂടി

വയനാട് തോൽപ്പെട്ടി എ​ക്സൈ​സ് ചെ​ക്ക് പോ​സ്റ്റി​ൽ 100.222 ഗ്രാം എം.​ഡി.​എം.​എ​യു​മാ​യി ക​ർ​ണാ​ട​ക സ്വ​ദേ​ശി​ക​ളാ​യ ര​ണ്ടു യു​വാ​ക്ക​ൾ പി​ടി​യി​ൽ. ദ​ക്ഷി​ണ ക​ന്ന​ട സു​ള്ളു ആ​ല​ട്ടി വി​ല്ലേ​ജി​ൽ കോ​ൽ​ച്ചാ​ർ കു​മ്പ​ക്കോ​ട് വീ​ട്ടി​ൽ ഉ​മ്മ​ർ ഫാ​റൂ​ഖ്, എ​ന​വ​റ വീ​ട്ടി​ൽ എ.​എ​ച്ച്. സി​ദ്ദീ​ഖ് എ​ന്നി​വ​രെ​യാ​ണ് എ​ക്സൈ​സ് സ​ർ​ക്കി​ൾ ഇ​ൻ​സ്പെ​ക്ട​ർ എ. ​പ്ര​ജി​ത്തും സം​ഘ​വും ചെ​യ്ത​ത്.

മാ​ന​ന്ത​വാ​ടി എ​ക്സൈ​സ് സ​ർ​ക്കി​ൾ ഓ​ഫി​സ് ടീ​മും എ​ക്സൈ​സ് ചെ​ക്ക് പോ​സ്റ്റ് ടീ​മും ചേ​ർ​ന്ന് സം​യു​ക്ത​മാ​യി ന​ട​ത്തി​യ പ​രി​ശോ​ധ​ന​യി​ലാ​ണ് കാ​റി​ൽ കടത്താ​ൻ ശ്ര​മി​ച്ച ​എം.​ഡി.​എം​എ.​യു​മാ​യി പ്രതികൾ പി​ടി​യി​ലാ​യ​ത്. പ്ര​തി​ക​ൾ ബം​ഗ​ളൂ​രു​വി​ൽ​നി​ന്ന് ഒ​ന്ന​ര​ല​ക്ഷം രൂ​പ​ക്ക് വാ​ങ്ങി​യ എം.​ഡി.​എം.​എ മ​ല​പ്പു​റ​ത്തെ​ത്തി​ച്ച് ന​ൽ​കു​ക​യാ​യി​രു​ന്നു ല​ക്ഷ്യം. ഒ​രു ഗ്രാ​മി​ന് 4000 രൂ​പ​ക്ക് വി​ൽ​പ​ന ന​ട​ത്താ​നാ​ണ് ഇ​വ ക​ട​ത്തി​ക്കൊ​ണ്ടു​വ​ന്ന​ത്. പ്ര​തി​ക​ൾ എം.​ഡി.​എം.​എ ക​ട​ത്താ​ൻ ഉ​പ​യോ​ഗി​ച്ച  കാ​ർ ക​സ്റ്റ​ഡി​യി​ലെ​ടു​ത്തു.