ചാലിയാർ ദോഹ ഭാരവാഹികൾ ഇന്ത്യൻ അമ്പാസഡറുമായി കൂടിക്കാഴ്ച്ച നടത്തി

ദോഹ: ഖത്തറിൽ പുതുതായി ചുമതലയേറ്റ ഇന്ത്യൻ അമ്പാസഡർ ഡോ. ദീപക് മിത്തലുമായി ചാലിയാർ ദോഹ പ്രസിഡണ്ട് അബ്ദുൽ ലത്തീഫ് ഫറോക്, ജനറൽ സെക്രട്ടറി സമീൽ അബ്ദുൽ വാഹിദ്, വൈസ് പ്രസിഡണ്ട് സിദ്ധീഖ് വാഴക്കാട്‌, സെക്രട്ടറി സിദ്ധീഖ് ചെറുവാടി, മീഡിയ ചെയർമാൻ രഘുനാഥ് ഫറോക് എന്നിവർ കൂടിക്കാഴ്ച നടത്തി.
പരിസ്ഥിതിയുമായി ബന്ധപ്പെട്ട പ്രവർത്തനങ്ങൾ ഇന്ത്യൻ എംബസിയും ഖത്തർ ഗവർണ്മെന്റുമായി ചേർന്ന് സഹകരിച്ചു പ്രവർത്തിക്കാനുള്ള സാധ്യതകളെകുറിച്ച് അദ്ദേഹവുമായി ചർച്ച ചെയ്തു. ചാലിയാർ ദോഹയുടെ ഭാവിയിലുള്ള എല്ലാ പ്രവർത്തനങ്ങൾക്കും അദ്ദേഹത്തിന്റെയും എംബസിയുടെയും പൂർണ പിന്തുണയുമുണ്ടാകുമെന്ന് അദ്ദേഹം ഉറപ്പ് നൽകി.
ചാലിയാർ ദോഹ കഴിഞ്ഞ ആറു വർഷക്കാലമായി ഖത്തറിലും നാട്ടിലുമായി ചെയ്തുവരുന്ന പ്രവർത്തനങ്ങളെ കുറിച്ചും ഭാവി പദ്ധതികളെ കുറിച്ചും ഭാരവാഹികൾ വിശദീകരിച്ചു.
ഇന്ത്യൻ എംബസി കഴിഞ്ഞ കാലങ്ങളിൽ ചെയ്തു തന്ന എല്ലാ സഹകരണങ്ങൾക്കും നന്ദി അറിയിച്ചു. ഖത്തറിലെ ഏക മലയാളി പരിസ്ഥിതി സംഘടനയായ ചാലിയാർ ദോഹയുടെ പ്രവർത്തനങ്ങളെ അദ്ദേഹം മുക്തകണ്ഠം പ്രശംസിക്കുകയും , പരിസ്ഥിതി സംരക്ഷണവുമായി ബന്ധപ്പെട്ടു എല്ലാവരും മുന്നിട്ടിറങ്ങണമെന്നും അദ്ദേഹം നിർദേശിച്ചു .