മുടി കൊഴിച്ചിൽ തടയാൻ നെല്ലിക്ക

അത്തരത്തിൽ മുടിക്ക് ഉപയോഗിക്കാൻ കഴിയുന്ന ലളിതവും വിലകുറഞ്ഞതുമായ ഒരു പ്രതിവിധിയാണ് നെല്ലിക്കാ പൊടി. മുടിയുടെയും ചർമ്മത്തിന്റെയും ആരോഗ്യം വർദ്ധിപ്പിക്കാൻ സഹായിക്കുന്ന നിരവധി സവിശേഷതകൾ നെല്ലിക്കയിൽ അടങ്ങിയിട്ടുണ്ട്. ഇത് ശിരോചർമ്മത്തിന്റെ ആരോഗ്യം മെച്ചപ്പെടുത്തുകയും മുടിയെ പോഷിപ്പിക്കുകയും താരൻ കുറയ്ക്കാൻ സഹായിക്കുകയും ചെയ്യുന്നു. നെല്ലിക്ക പൊടി നിങ്ങൾക്ക് എളുപ്പത്തിൽ ലഭ്യമാണ്, കൂടാതെ ഇത് ഉപയോഗിക്കാനും വളരെ എളുപ്പത്തിൽ കഴിയും. മുടി കൊഴിച്ചിൽ നിയന്ത്രിക്കാൻ നെല്ലിക്ക പൊടി ഉപയോഗിക്കുന്നതിനുള്ള ചില വഴികൾ ഇതാ.
മുടി കൊഴിച്ചിലിന് ഫലപ്രദമായ പരിഹാരമായി ഉപയോഗിക്കാവുന്ന ഒരു ഒറ്റമൂലിയാണ് നെല്ലിക്ക. മുടി കൊഴിച്ചിൽ ഉൾപ്പെടെയുള്ള കേശ സംബന്ധമായ വിവിധ പ്രശ്നങ്ങളെ നേരിടാൻ നിങ്ങൾക്ക് നെല്ലിക്ക പൊടി തിരഞ്ഞെടുക്കാം. മുടി കൊഴിച്ചിലിന് നെല്ലിക്ക പൊടി ഉപയോഗിക്കുന്നതിനുള്ള വ്യത്യസ്ത വഴികൾ പരിചയപ്പെടാം.

ശിരോചർമ്മത്തിന്റെ ആരോഗ്യം മെച്ചപ്പെടുകയാണെങ്കിൽ അതിനർത്ഥം മികച്ച മുടിയിഴകൾ ഉണ്ടാകുമെന്നാണ്. ഇത് മുടിയുടെ വളർച്ചയ്ക്കും മുടി കൊഴിച്ചിൽ നിയന്ത്രിക്കുന്നതിനും സഹായിക്കും. മുടിക്ക് ഉപയോഗിക്കാവുന്ന പഴക്കം ചെന്ന ആയുർവേദ പരിഹാരമാണിത്. ഹെയർ മാസ്കുകൾ തയ്യാറാക്കാൻ നിരവധി ലളിതമായ ചേരുവകളുമായി നെല്ലിക്ക പൊടി ചേർക്കാം. ഈ രീതികളിൽ ചിലത് ഇതാ –

1. നെല്ലിക്ക, ഉറുവഞ്ചി, ചീവയ്ക്ക കൂട്ട്

മുടിക്ക് ഫലപ്രദമായ പ്രകൃതിദത്ത ഷാംപൂ തയ്യാറാക്കാൻ നെല്ലിക്ക, ഉറുവഞ്ചി, ചീവയ്ക്കാ എന്നിവ ഉപയോഗിക്കാം. ഈ മൂന്ന് ചേരുവകളുടെ മിശ്രിതം നിങ്ങളുടെ മുടിക്ക് അത്ഭുതങ്ങൾ സൃഷ്ടിക്കുന്നു. നിങ്ങൾക്ക് ഈ മൂന്ന് ചേരുവകളുടെ പൊടികൾ തുല്യ അളവിൽ സംയോജിപ്പിക്കാൻ കഴിയും. ഒരു പേസ്റ്റ് ഉണ്ടാക്കാൻ ഈ മിശ്രിതത്തിലേക്ക് വെള്ളം ചേർക്കുക. ഈ പേസ്റ്റ് മുടിയിലും ശിരോചർമ്മത്തിലും ശരിയായി പ്രയോഗിച്ച് കുറച്ച് സമയം വയ്ക്കുക. പിന്നീട്, മുടി ശരിയായി കഴുകുക.

2. നെല്ലിക്ക പൊടിയും തൈരും ചേർത്ത ഹെയർ മാസ്ക്

തൈര് നിങ്ങളുടെ മുടിയെ പോഷിപ്പിക്കുകയും വരണ്ട ശിരോചർമ്മം, വരണ്ടുണങ്ങിയ മുടി എന്നിവയോട് പോരാടാനും സഹായിക്കുന്നു. ശിരോചർമ്മത്തിൽ തൈര് ഉപയോഗിക്കുന്നത് താരൻ നിയന്ത്രിക്കുന്നതിന് ഫലപ്രദമായ പരിഹാരമാണ്. ഒരു ഹെയർ മാസ്ക് തയ്യാറാക്കാൻ നിങ്ങൾക്ക് നെല്ലിക്ക പൊടിയും തൈരും ഒരുമിച്ച് കലർത്താം. അതുപോലെ, ഇത് മുടിയിലും ശിരോചർമ്മത്തിലും പുരട്ടി പിന്നീട് കുറച്ച് സമയത്തിന് ശേഷം പതിവുപോലെ കഴുകുക.

3. നെല്ലിക്ക പൊടിയും ഉലുവയും

മുടിക്ക് നൽകുന്ന ആനുകൂല്യങ്ങളുടെ പേരിൽ ഉലുവ വളരെ ജനപ്രിയമാണ്. മുടികൊഴിച്ചിൽ നിയന്ത്രിക്കാനും മുടിയുടെ ഘടന മെച്ചപ്പെടുത്താനും ഈ വിത്തുകൾ നിങ്ങളെ സഹായിക്കും. കുറച്ച് ഉലുവ രാത്രി മുഴുവൻ വെള്ളത്തിൽ മുക്കിവയ്ക്കുക. ഈ വിത്തുകൾ അരച്ച് കട്ടിയുള്ള പേസ്റ്റ് ഉണ്ടാക്കുക. ആവശ്യമെങ്കിൽ നിങ്ങൾക്ക് കുറച്ച് വെള്ളം ഇതിലേക്ക് ചേർക്കാവുന്നതുമാണ്. ഈ പേസ്റ്റിലേക്ക് നെല്ലിക്ക പൊടി ചേർക്കുക. മിശ്രിതം വളരെ വരണ്ടതാണെങ്കിൽ വെള്ളം ചേർക്കുക. മുടി കഴുകുന്നതിനുമുമ്പ് ഇത് ഒരു ഹെയർ മാസ്കായി പ്രയോഗിക്കുക.

നിരവധി ആരോഗ്യ പ്രശ്‌നങ്ങൾക്കുള്ള പ്രകൃതിദത്ത പരിഹാരമാണ് നെല്ലിക്ക. ഇത് ഉപയോഗിക്കുന്നതിന് മുമ്പ് ഇത് നിങ്ങൾക്ക് അനുയോജ്യമാണോ എന്ന് പരിശോധിക്കാൻ നിങ്ങൾക്ക് ഒരു പാച്ച് ടെസ്റ്റ് നടത്താം.