ദോഹ: ഖത്തർ കോവിഡ് നിയന്ത്രണങ്ങൾ ക്രമേണ ലഘൂകരിക്കാനുള്ള പദ്ധതികളുടെ ഭാഗമായി ജൂലൈ 28 മുതൽ 80 ശതമാനം ജീവനക്കാർക്കും ഓഫീസുകളിൽ നേരിട്ട് ജോലി ചെയ്യാം.
വിശിഷ്ട പ്രധാനമന്ത്രിയും ആഭ്യന്തരമന്ത്രിയുമായ ഷെയ്ഖ് ഖാലിദ് ബിൻ ഖലീഫ ബിൻ അബ്ദുൽ അസീസ് അൽ താനിയുടെ അധ്യക്ഷതയിൽ ചേർന്ന പ്രതിവാര യോഗത്തിൽ സ്വകാര്യ, സർക്കാർ ഓഫീസുകൾക്ക് 80 ശതമാനം ജോലിക്കാർക്ക് നേരിട്ട് ജോലിക്കെത്താനുള്ള അനുമതിനൽകാൻ മന്ത്രിസഭ തീരുമാനിച്ചു. വീഡിയോ കോൺഫറൻസിംഗിലൂടെ നടന്ന യോഗത്തിൽ ഖത്തറിലെ COVID-19 ന്റെ ഏറ്റവും പുതിയ റിപോർട്ടുകൾ പൊതുജനാരോഗ്യ മന്ത്രിവിവരിച്ചു.
പകർച്ചവ്യാധിക്കെതിരെ പോരാടുന്നതിന് മുൻകരുതൽ നടപടികൾ തുടരുമെന്ന് മന്ത്രിസഭ സ്ഥിരീകരിച്ചു.
സർക്കാർ മേഖലയിലെ ജീവനക്കാരുടെ എണ്ണം അവരുടെ ജോലിസ്ഥലത്ത് കുറയ്ക്കുന്നതുമായി ബന്ധപ്പെട്ട തീരുമാനം ഭേദഗതി ചെയ്യുക, ജോലിയുടെ ആവശ്യകത അനുസരിച്ച് ഓഫീസിൽ ജോലി ചെയ്യുന്നവർ മൊത്തം ജീവനക്കാരുടെ 80 ശതമാനത്തിൽ കൂടാതെ നോക്കണം. ബാക്കിയുള്ള ജീവനക്കാർ അവരുടെ വീടുകളിൽ നിന്നുതന്നെ ജോലിചെയ്യുക. യോഗത്തെത്തുടർന്ന്, നീതിന്യായ മന്ത്രിയും കാബിനറ്റ് കാര്യങ്ങളുടെ ആക്ടിംഗ് മന്ത്രിയുമായ എച്ച്ഇ ഡോ. ഇസ്സ ബിൻ സാദ് അൽ-ജഫാലിഅൽ-നുയിമി,പ്രഖ്യാപിച്ചു.
