10 ലക്ഷം അഭയാര്‍ത്ഥികള്‍ക്കായി ദുബായിൽ ഡിജിറ്റൽ സ്കൂള്‍
Digital school in Dubai for 10 lakh refugees
ദുബായ്: പത്ത് ലക്ഷം അഭയാർഥി വിദ്യാർത്ഥികളെ പഠിപ്പിക്കുന്ന ‘ഡിജിറ്റൽ സ്‌കൂൾ’ പദ്ധതി ആരംഭിച്ച് ദുബായ്. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഇത് സംബന്ധിച്ച് ട്വീറ്റ് ചെയ്തു. അതനുസരിച്ച് ഈ വർഷം 20,000 വിദ്യാർത്ഥികളിലേക്ക് സ്മാർട്ട് വിദ്യാഭ്യാസം എത്തിക്കാനാണ് ലക്ഷ്യമിടുന്നത് എന്ന് ട്വീറ്റ് ചെയ്യുന്നു.
അഞ്ച് വർഷത്തിനുള്ളിൽ പിന്നാക്കം നിൽക്കുന്ന വിഭാഗത്തിൽ നിന്നുള്ള ഒരു ദശലക്ഷം വിദ്യാർത്ഥികളെ പഠിപ്പിക്കുക എന്നതാണ് തങ്ങളുടെ ലക്ഷ്യമെന്ന് ഷെയ്ഖ് മുഹമ്മദ് ട്വീറ്റ് ചെയ്തു.
അന്താരാഷ്ട്ര ഏജൻസികളുമായി പ്രവർത്തിച്ചായിരിക്കും പുതിയ വിദ്യാലയത്തിന്റെ പാഠ്യപദ്ധതിക്ക് അംഗീകാരം അനുവദിച്ചിരിക്കുന്നത്. അറബ് ലോകത്ത് നിലവിൽ ഒരു വിദ്യാഭ്യാസ വിടവ് (educational gap) ഉണ്ടെന്ന് ഷെയ്ഖ് മുഹമ്മദ് ചൂണ്ടിക്കാണിച്ചു. സാമ്പത്തിക പ്രശ്നങ്ങളും തര്‍ക്കങ്ങളും കാരണം നിരവധി വിദ്യാര്‍ത്ഥികള്‍ക്ക് അധ്യയേന വര്‍ഷം നഷ്ടപ്പെട്ടതായും അദ്ദേഹം പറഞ്ഞു.
ഈ വെല്ലുവിളികളെ നേരിടാൻ ആരും പ്രവർത്തിച്ചില്ലെങ്കിൽ, അറിവില്ലായ്മയുടെയും തീവ്രവാദത്തിന്റെയും നേതൃത്വത്തിൽ തലമുറകൾ വരും, പകരം അവർ തങ്ങളുടെ ജനതയെ അറിവിന്റെ വെളിച്ചത്തിൽ നയിക്കുന്നു, ഷെയ്ഖ് മുഹമ്മദ് പറഞ്ഞു.
എവിടെയും ശോഭനമായ ഭാവിയിലേക്ക് വിദ്യാഭ്യാസം പ്രധാനമാണെന്ന് ബുധനാഴ്ച നടന്ന പുറത്തിറക്കിയ ചടങ്ങിൽ ആർട്ടിഫിഷ്യൽ ഇന്റലിജൻസ്, ഡിജിറ്റൽ ഇക്കണോമി, റിമോട്ട് വർക്ക് ആപ്ലിക്കേഷൻസ് സഹമന്ത്രി ഒമർ അൽ ഒലാമ പറഞ്ഞു.
ഒരു രാജ്യത്തിന്റെ ഭാവി മാറ്റണമെങ്കിൽ വിദ്യാഭ്യാസ രീതി മാറ്റുക. ഈ ആയുധമാണ് ശോഭനമായ ഭാവിയിലേക്ക് നയിക്കുന്നതെന്നും അദ്ദേഹം വ്യക്തമാക്കി.
