തകർന്നു വീണ മിഗ് വിമാനം കണ്ടെത്തി; തിരച്ചിൽ തുടരുന്നു

അപകടത്തിൽ കാണാതായ പൈലറ്റ് നിഷാന്ത് സിങിനായി തെരച്ചിൽ തുടരുകയാണ്. വിമാനത്തിന്റെ അവശിഷ്ടങ്ങൾ കണ്ടെത്തിയ സ്ഥലത്ത് കൂടുതൽ കപ്പലുകളും ഹെലികോപ്റ്ററുകളും എത്തിച്ചാണ് പരിശോധന നടത്തുന്നത്. വിമാനത്തിന്റെ ട്രെയിനിയായ രണ്ടാം പൈലറ്റ് പരിക്കുകളോടെ രക്ഷപെട്ടു. റഷ്യൻ നിർമ്മിത ഇരട്ട സീറ്റർ വിമാനത്തിൽ നിന്നും അപകടത്തിനു മുമ്പ് പൈലറ്റ് നിഷാന്ത് സിങ് ഇജക്ട് ചെയ്ത് പുറത്തേക്ക് ചാടിയിരുന്നു.

നിലവിൽ കണ്ടെത്തിയ അവശിഷ്ടങ്ങളിൽ നിഷാന്തിന്റെ ഇജക്ഷൻ സീറ്റ് ഉണ്ടായിരുന്നില്ല. പൈലറ്റ് ഇജക്ട് ചെയ്യുമ്പോൾ വിമാനം താഴ്ന്നാണ് പറന്നിരുന്നത്. അപകടം സംഭവിച്ചതിനു ശേഷം രണ്ടാമതൊരു പാരച്യൂട്ട് പറന്നിറങ്ങുന്നത് കണ്ടിരുന്നെന്നാണ് രണ്ടാം പൈലറ്റ് പറയുന്നത്.