Entertainment

സിനിമ ദേശവിരുദ്ധമെന്ന് സെന്‍സര്‍ ബോര്‍ഡ്; സിദ്ധാര്‍ത്ഥ് ശിവ ചിത്രത്തിന് പ്രദര്‍ശനാനുമതി നിഷേധിച്ചു!

Censor board says film is anti-national; Siddharth Shiva film denied permission

പാര്‍വതി തിരുവോത്തിനെയും റോഷന്‍ മാത്യുവിനെയും പ്രധാന കഥാപാത്രങ്ങളാക്കി സിത്ഥാർത്ഥ് ശിവ സംവിധാനം ചെയ്ത ചിത്രത്തിന് സെൻസർ ബോർഡ് പ്രദർശനാനുമതി നിഷേധിച്ചു. വർത്തമാനം എന്ന ചിത്രത്തനാണ് പ്രദർശനാനുമതി നിഷേധിച്ചത്. ഇപ്പോൾ പുറത്ത് വരുന്ന റിപ്പോർട്ടുകൾ പ്രകാരം ചിത്രത്തിന് പ്രദർശനാനുമതി നിഷേധിച്ചിരിക്കുന്നത് ചിത്രം ദേശവിരുദ്ധമാണെന്നും മതസൗഹാര്‍ദ്ദത്തെ തകര്‍ക്കുന്നതാണെന്നും ചൂണ്ടിക്കാട്ടിയാണ് എന്നാണ് ലഭിക്കുന്ന വിവരം.

ചിത്രത്തിൽ ജെ.എന്‍.യു, കശ്മീര്‍ വിഷയങ്ങള്‍ പ്രതിപാദിക്കുന്നത് പ്രദര്‍ശനം തടയാനുള്ള കാരണങ്ങളിലൊന്നാണെന്നും റിപ്പോര്‍ട്ടുകളില്‍ പറയുന്നു. സെൻസർ ബോർഡ് അറിയിച്ചത് പ്രകാരം ചിത്രം കൂടുതല്‍ പരിശോധനക്കായി റിവൈസിംഗ് കമ്മിറ്റിക്ക് അയച്ചിരിക്കുകയാണ്. ഇനി സെന്‍സര്‍ ബോര്‍ഡ് ചെയര്‍മാൻ്റെ തീരുമാനം പുറത്ത് വരും വരെയ്ക്കും ചിത്രം പ്രദര്‍ശിപ്പിക്കാനാവില്ലെന്നും റിപ്പോർട്ടുകളിൽ പറയുന്നു. അതേസമയം ചിത്രം റിവൈസിംഗ് കമ്മിറ്റിക്ക് അയച്ചതായുള്ള അറിയിപ്പ് ലഭിച്ചിട്ടില്ല എന്നാണ് 24ന്യൂസ് റിപ്പോർട്ട് ചെയ്യുന്നത്. ഇക്കാര്യം നിര്‍മ്മാതാക്കളില്‍ ഒരാള്‍ അറിയിച്ചതായാണ് 24ന്യൂസിൻ്റെ റിപ്പോര്‍ട്ട്.

സഖാവ് എന്ന ഹിറ്റ് ചിത്രത്തിന് ശേഷം സിദ്ധാര്‍ത്ഥ് ശിവ സംവിധാനം ചെയ്യുന്ന ചിത്രത്തിൽ സിദ്ദിഖും ഒരു പ്രധാന കഥാപാത്രത്തെ അവതരിപ്പിക്കുന്നു. ഒട്ടേറെ തെന്നിന്ത്യൻ താരങ്ങളും ചിത്രത്തിൽ അണിനിരക്കുന്നുണ്ട്. ദേശീയ അവാര്‍ഡ് ജേതാക്കള്‍ ഒരുമിക്കുന്ന ചിത്രം എന്ന പ്രത്യേകതയും ഈ ചിത്രത്തിനുണ്ട്. കേരളത്തിലും ഡൽഹിയിലുമായാണ് ചിത്രത്തിൻ്റെ ഷൂട്ടിങ് പൂർത്തിയാക്കിയത്. ആര്യാടന്‍ ഷൗക്കത്ത് ആണ് ചിത്രത്തിന് കഥയും തിരക്കഥയും ഒരുക്കിയിരിക്കുന്നത്. ബെന്‍സി പ്രൊഡക്ഷന്‍സിന്‍റെ ബാനറില്‍ ബെന്‍സി നാസറാണ് ചിത്രം നിർമ്മിച്ചത്.

അതിവേഗ വാർത്തകൾക്ക് ടെലഗ്രാം ചാനലിൽ അംഗമാവാൻ ഇവിടെ ക്ലിക്ക് ചെയ്യുക

Leave a Reply

Your email address will not be published. Required fields are marked *

Back to top button