Entertainment
30 സെക്കന്റില്‍ ഭയവും ആകാംഷയും വിതച്ച് പാവ കഥെെകള്‍ ; നെറ്റ്ഫ്ലിക്സിന്റെ തമിഴ് ആന്തോളജി ചിത്രം വരുന്നു
ആമസോണ്‍ പ്രെെമിന് പിന്നാലെ തമിഴ് ആന്തോളജി ചിത്രവുമായി നെറ്റ്ഫ്ലിക്സ്. പാവ കഥെെകള്‍ എന്ന പേരിട്ടിരിക്കുന്ന ചിത്രത്തിന്റെ ടീസര്‍ പുറത്ത് വിട്ടിരിക്കുകയാണ് നെറ്റ്ഫ്ലിക്സ്. ഡിസംബര്‍ 18 നാണ് ചിത്രം റിലീസ് ചെയ്യുക. സുധ കൊങ്കര, വിഘ്നേഷ് ശിവന്‍, ഗൗതം വാസുദേവ് മേനോന്‍, വെട്രിമാരന്‍ എന്നിവര്‍ സംവിധാനം ചെയ്യുന്ന നാല് സിനിമകളാണ് പാവ കഥെെകളിലുള്ളത്.
Also Read: ‘മഹാമാരിയിലും പട്ടിണി കിടന്ന് മരിക്കാതെ നമ്മളെ കാത്തവരാണ്’; കര്‍ഷക മാര്‍ച്ചിന് പിന്തുണ, പോലീസിനെതിരെ പ്രതിഷേധവുമായി വാമിഖ
Also Read: ‘മഹാമാരിയിലും പട്ടിണി കിടന്ന് മരിക്കാതെ നമ്മളെ കാത്തവരാണ്’; കര്‍ഷക മാര്‍ച്ചിന് പിന്തുണ, പോലീസിനെതിരെ പ്രതിഷേധവുമായി വാമിഖ
സങ്കീര്‍ണമായ മാനുഷിക ബന്ധങ്ങളെ കുറിച്ചാണ് പാവ കഥെെകള്‍ പറയുന്നതെന്നാണ് ടീസര്‍ സൂചിപ്പിക്കുന്നത്. 190 രാജ്യങ്ങളിലായി ഒരേസമയം ചിത്രം റിലീസ് ചെയ്യാനിരിക്കുകയാണ് നെറ്റ്ഫ്ലിക്സ്. വന്‍ താരനിര തന്നെ ചിത്രത്തില്‍ അണിനിരക്കുന്നുണ്ട്. അഞ്ജലി, ഗൗതം മേനോന്‍, കല്‍ക്കി കേക്ല, പ്രകാശ് രാജ്, കാളിദാസ് ജയറാം, സിമ്രന്‍ തുടങ്ങിയവര്‍ പ്രധാന വേഷങ്ങളിലെത്തുന്നു.
റോണി സ്ക്രൂവാലയുടെ ആര്‍എസ് വിപി മൂവീസും ഫ്ലെെയിങ് യൂണികോണ്‍ എന്റ‍ര്‍ടെയ്മെന്റും ചേര്‍ന്നാണ് ചിത്രം നിര്‍മ്മിക്കുന്നത്. ആമസോണ്‍ പ്രെെമിന്റെ ആന്തോളജിയായ പുത്തം പുതു കാലെെ പ്രതീക്ഷ നല്‍കുന്ന കഥകളായിരുന്നു പറഞ്ഞിരുന്നതെങ്കില്‍ പാവ കഥെെകള്‍ തീര്‍ത്തും വ്യത്യസ്തമായിരിക്കുമെന്നാണ് ടീസറില്‍ നിന്നും മനസിലാകുന്നത്.
