ദളപതി വിജയ്‍യുടെ മാസ്റ്ററിന് പിന്നാലെ ഈശ്വരനും തിയറ്ററില്‍ എത്തുകയാണ്. വിജയ്‍യെ നായകനാക്കി ലോകേഷ് കനകരാജ് സംവിധാനം ചെയ്യുന്ന മാസ്റ്റര്‍ പൊങ്കല്‍ റിലീസായി ജനുവരി 13നാണ് തീയേറ്ററുകളിലെത്തുന്നത്. ഈശ്വരൻ ജനുവരി 14നും എത്തും. ചിമ്പു തന്നെയാണ് റിലീസ് വിവരം ട്വിറ്ററിൽ പങ്കുവെച്ചിരിക്കുന്നത്.
ഒരു ഫാമിലി എന്‍റര്‍ടെയ്‍നര്‍ ആണ് ചിത്രമെന്നാണ് ടീസര്‍ തരുന്ന സൂചന. ചിമ്പുവിന്‍റെ തക‍ര്‍പ്പൻ ആക്ഷൻ രംഗങ്ങളും മാസ് ഡയലോഗുകളും ചിത്രത്തിലുണ്ടാകുമെന്നും സൂചനയുണ്ട്. സംവിധായകൻ സുശീന്ദ്രനും ചിമ്പുവും ആദ്യമായി ഒന്നിക്കുന്ന ചിത്രം കൂടിയാണിത്. തമിഴിലെ ശ്രദ്ധേയ സംവിധായകനായ ഭാരതിരാജയും ബാല ശരവണനും മറ്റു പ്രധാന വേഷങ്ങളിലെത്തുന്നുണ്ട്.
Also Watch :
നെയ്യാറ്റിൻകര സംഭവത്തിൽ പ്രതികരണവുമായി ജോയ് മാത്യു
