‘ഗാര്‍ഡിയന്‍’ മുതൽ ‘സുമേഷ് ആൻഡ് രമേഷ്’ വരെ ; ഓടിടി റിലീസിനൊരുങ്ങി നിരവധി മലയാളം ചിത്രങ്ങൾ!
ജയ് ജിതിൻ സംവിധാനം ചെയ്ത് ദുർഗ കൃഷ്ണ, അർജുൻ നന്ദകുമാർ, അഭിജ ശിവകല, പ്രാർത്ഥന സന്ദീപ്, നഹൃൻ നവാസ് എന്നിവർ അഭിനയിക്കുന്ന “കൺഫെഷൻസ് ഓഫ് എ കുക്കു” എന്ന ചിത്രവും ഓടിടി പ്ലാറ്റ്ഫോമിലൂടെ റിലീസിനൊരുങ്ങുകയാണ്. കൂടാതെ സുരാജ് വെഞ്ഞാറമൂട്, എം എ നിഷാദ്,സുധീർ കരമന,അനു ഹസൻ, പാർവതി രതീഷ് എന്നിവർ അഭിനയിക്കുന്ന “വാക്ക് ” എന്ന ചിത്രവും ഇതേ പ്ലാറ്റ്ഫോമിലൂടെ തന്നെ പ്രേക്ഷകരിലേക്കെത്തും. ശ്രീനാഥ് ഭാസി, ബാലു വർഗീസ് എന്നിവർ പ്രധാന വേഷങ്ങളിൽ എത്തുന്ന ‘സുമേഷ് ആൻഡ് രമേഷ്’ എന്ന ചിത്രവും ഓടിടി പ്ലാറ്റ്ഫോമിലൂടെ റിലീസിനെത്താനൊരുങ്ങുകയാണ്.
Also Read: എനിക്ക് ഒന്നും സംഭവിച്ചിട്ടില്ല
ക്രിസ്മസ് ദിനത്തിലാണ് ഈ ചിത്രങ്ങൾ റിലീസ് ചെയ്യുന്ന ഓടിടി പ്ലാറ്റ്ഫോമായ പ്രൈം റീല്‍സ് പ്ലാറ്റ് ഫോമിന്റെ ലോഗോ ലോഞ്ച് ചെയ്തത്. എല്ലാ വെള്ളിയാഴ്ചകളിലും ഓരോ മലയാളം സിനിമകളാണ് ഈ പ്ലാറ്റ് ഫോമിലൂടെ റിലീസ് ചെയ്യുന്നത്. സിനിമാ സീരിയൽ താരങ്ങൾ അടക്കമുള്ള 101 സിനിമപ്രവർത്തകരുടെ ഫേസ്ബുക്ക് പേജിലൂടെയാണ് ലോഗോ ലോഞ്ച് നടത്തിയത്. ലോക സിനിമാ ചരിത്രത്തിൽ തന്നെ ആദ്യമായാണ് ഇത്തരമൊരു റിലീസ് പ്ലാറ്റ് ഫോമെന്ന് ഓർമ്മപ്പെടുക്കുന്നുണ്ട്.
