ഇൻ്റർകാസ്റ്റ് ദമ്പതികളുടെ മക്കൾ നേരിടുന്ന വെല്ലുവിളികളുമായി ‘അമീറാ’; അച്ഛൻ്റെ കഥയിൽ നായികയായി മീനാക്ഷി!
Also Read: 2020-ലെ മികച്ച നായക വേഷം ഏത്? ഞെട്ടിച്ച പ്രകടനങ്ങളിലൂടെ!
നടി മീനാക്ഷിയും സഹോദരന്‍ ഹാരിഷും ചിത്രത്തിലും സഹോദരങ്ങളായി എത്തുന്നു എന്ന പ്രത്യേകതയും ചിത്രത്തിനുണ്ട്. അമീറയായി മീനക്ഷിയും അമീനായി ഹാരിഷും എത്തുന്നു. അയ്യപ്പനും കോശിയിലെ കുമാരൻ എന്ന കഥാപാത്രത്തിലൂടെ ശ്രദ്ധേയനായ കോട്ടയം രമേശും ചിത്രത്തിൽ ശ്രദ്ധേയമായ വേഷം കൈകാര്യം ചെയ്യുന്നുണ്ട്. ഇവര്‍ക്കൊപ്പം കോട്ടയം പുരുഷന്‍, സംവിധായകന്‍ ബോബന്‍ സാമുവല്‍, സുമേഷ് ഗുഡ്‌ലക്ക്, മീനാക്ഷി മഹേഷ്, സന്ധ്യ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു. അനൂപ് ആര്‍. പാദുവ, സമീര്‍ മുഹമ്മദ് എന്നിവര്‍ ചേര്‍ന്നാണ് ചിത്രത്തിന്‍റെ രചന നിർവ്വഹിക്കുന്നത്.
കോട്ടയം ജില്ലയിലെ വിവിധ പ്രദേശങ്ങളിലായി 21 ദിവസം കൊണ്ടാണ് ചിത്രത്തിൻ്റെ ഷൂട്ടിങ് പൂര്‍ത്തിയാക്കിയത്. കൊവിഡ് മാനദണ്ഡങ്ങളോടെ ഷൂട്ടിംഗ് ആരംഭിച്ചെങ്കിലും അമീറയുടെ ക്രൂവിനു നിരവധി വെല്ലുവിളികാൾ നേരിടേണ്ടി വന്നിരുന്നു. ജിഡബ്ല്യുകെ എന്‍റര്‍ടൈന്‍മെന്‍റ്സും ടീം ഡിസംബര്‍ മിസ്റ്റിന്‍റെയും ബാനറില്‍ അനില്‍ കുമാറാണ് ചിത്രം നിര്‍മ്മിക്കുന്നത്. പി. പ്രജിത്ത് ഛായാഗ്രഹണം നിര്‍വ്വഹിക്കുന്ന ചിത്രത്തിന്‍റെ എഡിറ്റര്‍ സനല്‍ രാജിയാണ്.
Also Read: തീയേറ്ററിനുള്ളത് തീയേറ്ററിനും ഒടിടിക്കുള്ളത് ഒടിടിക്കും!
പ്രോജക്ട് ഡിസൈനര്‍ റിയാസ് മുഹമ്മദ്, എക്സിക്യൂട്ടീവ് പ്രൊഡ്യൂസര്‍ ജോസ് കുരിയാക്കോസ്, ടോണി ജോസഫ്, കലാ സംവിധാനം ഫാരിസ് മുഹമ്മദ്, സംഗീത സംവിധാനം അനൂപ് ജേക്കബ്, ബിജിഎം ജോയല്‍ ജോണ്‍സ്, കോസ്റ്റ്യൂം ടി.പി ഫര്‍ഷാന്‍, അസോസിയേറ്റ് ഡയറക്ടര്‍ ജിജോ ജോസ്, പ്രൊഡക്ഷന്‍ എക്സിക്യൂട്ടീവ് രാജീവ് ശേഖര്‍, പി. ശിവപ്രസാദ്ദും സുനിത സുനില്‍ലുമാണ് വാര്‍ത്ത പ്രചരണം.
