ഒരായിരം വട്ടം ആലോചിച്ചെടുത്ത തീരുമാനമാണിത്. അത് വേറൊന്നും കൊണ്ടല്ല, സംവിധാനം എന്നത് ഒരു വലിയ ഉത്തരവാദിത്തമാണ്. പറഞ്ഞറിയിക്കാൻ പറ്റാത്തത്ര വലിയ ഉത്തരവാദിത്തം. ഒരു തീരുമാനമെടുക്കാൻ കഴിയാതെ ചിന്തിച്ചു നിന്നപ്പോളാണ് മനസ്സിലേക്കൊരു ധൈര്യം കേറി വന്നത്, ആ ധൈര്യം നിങ്ങളാണ്. നല്ലതിനെ നല്ലതെന്നു പറയാനും, മോശമായതിനെ വിമർശിക്കാനും, കൂടെ നിൽക്കാനും, നെഞ്ചോടു ചേർക്കാനും, ഇത് വരെ ഞങ്ങൾക്കൊപ്പം നിന്ന, ഞങ്ങളുടെ സിനിമയ്ക്കൊപ്പം നിന്ന, നിങ്ങൾ പ്രേക്ഷകർ.
അതുപോലെ തന്നെ ഞങ്ങളുടെ സിനിമകൾക്ക് ജീവൻ നൽകിയ സംവിധായകർ നാദിർഷിക്ക, നൗഫലിക്ക , നിർമ്മാതാക്കൾ ആൽവിൻ ആന്‍റണി ചേട്ടൻ, ഡോ. സക്കറിയ തോമസ്, ദിലീപേട്ടൻ, ആന്‍റോ ചേട്ടൻ, ബിനു സെബാസ്റ്റ്യൻ എന്നീ എല്ലാവരുടേയും പ്രാർത്ഥനയും, ഞങ്ങൾ ഗുരു തുല്യരായി കാണുന്ന സിദ്ദിഖ് സാർ, ഷാഫി സാർ, റാഫി സാർ എന്നിവരുടെ അനുഗ്രഹവും, ഞങ്ങളെ വിശ്വസിച്ചു ഈ സിനിമ നിർമ്മിക്കുന്ന ബാദുക്കയുടെ ചങ്കൂറ്റവും, എല്ലാത്തിനും ചങ്കായിട്ട് കൂടെ നിൽക്കുന്ന കൂട്ടുകാരുടെ പ്രോത്സാഹനവും,
ഞാനെന്ന വ്യക്തിക്ക് കാരണക്കാരായ അപ്പച്ഛന്‍റേം അമ്മിച്ചിയുടേം ആശിർവാദവും കൂടെ ഉണ്ടാകുമെന്നുള്ള ധൈര്യത്തിൽ, അവഗണനകൾക്കിടയിൽ ഒരു ചെറു പുഞ്ചിരി നൽകിയ എല്ലാ നല്ലവരായ ആളുകളുടെ മുന്നിൽ ശിരസ്സ് നമിച്ചുകൊണ്ട് ഞങ്ങൾ ആരംഭിക്കുന്നു, അനുഗ്രഹിക്കണം, എന്നാണ് ബിബിന്‍റെ കുറിപ്പ്.
Also Read: പിണറായിയെ വിമർശിക്കുന്നത് മമ്മൂട്ടിയ്ക്ക് ഇഷ്ടമല്ല; ഡയലോഗ് തിരുത്താന്‍ സമ്മതിച്ചില്ലെന്നും ജോയ് മാത്യു
സൂപ്പർഹിറ്റ് ചിത്രങ്ങളായ അമർ അക്ബർ അന്തോണി, കട്ടപ്പനയിലെ ഋത്വിക് റോഷൻ, ഒരു യമണ്ടൻ പ്രേമകഥ എന്നിവയുടെ തിരക്കഥാകൃത്തുക്കളായും ഒട്ടനവധി സിനിമകളിൽ അഭിനയിച്ചും മലയാളികളുടെ മനസിൽ ഇടം നേടിയ താരങ്ങളാണ് വിഷ്ണു ഉണ്ണികൃഷ്ണനും ബിബിന്‍ ജോര്‍ജും. പുതുമുഖങ്ങൾക്ക് ഏറെ പ്രാധാന്യമുള്ള ചിത്രമാണ് ഇവര്‍ ഒരുക്കുന്നത്. പ്രൊഡക്ഷൻ കൺട്രോളർ ബാദുഷയാണ് നിര്‍മ്മാണം. സംവിധാനത്തിനൊപ്പം രചനയും ബിബിനും വിഷ്ണുവും തന്നെയാണ് നിർവഹിക്കുന്നത്. വാര്‍ത്താ പ്രചരണം എ എസ് ദിനേശാണ്. അടുത്ത വർഷം പകുതിയോടെയാവും ചിത്രീകരണം തുടങ്ങാനിരിക്കുന്നത്.
Also Watch :
നെയ്യാറ്റിൻകര സംഭവത്തിൽ പ്രതികരണവുമായി ജോയ് മാത്യു
